Veggir og múr

Núna eru flestir veggir komnir upp í húsinu. Á sunnudag og í dag var skellt upp veggjunnum sem skilja af fostofuna og fostofuherbergið, einnig var klárað að setja flesta veggina upp í loft á efri hæðinni og byrjað að setja upp veggin sem er inni í hjónaherberginu uppi fyrir baðherbergið og fataherbergið. Múrararnir eru búnir að múra allt innandyra og byrja þeir að múra húsið að utan á miðvikudaginn.

Það var gestkvæmt hjá okkur um helgina í þrymsölunum þegar fullt af fólki frá Akureyri kom að skoða kofan okkar ;). Mamma ætlar svo að taka myndir á morgun því að það hefur nú ýmislegt gerst síðan Akureyrarliðið skoðaði og reyni ég að skella þeim inn annað kvöld.

Kveðja Íris

En gengur vel

Núna er búið að múra alla íbúðina niðri og byrjað að múra uppi. Úttektin var ekki í dag en þeir sögðu að þeir myndu koma einhver tíman á næstu tveimur dögum svo við vonum að þeir komi fyrir helgi. Ég og Alli vorum að kubba upp veggi í gær til að verða kl 21 og náðum við að gera helling.

Svo núna þarf að þrífa íbúðina mína áður en að pabbi getur byrjað að skella hitalögnunum á gólfið. Það er nú ekki langt í að íbúðin verði tilbúin ;) þegar búið er að setja hitalagnirnar þarf að flota gólfið og svo fínpússa veggina og mála og þá er bara allt tilbúið til að skella upp innréttingunum ;) svo að við ættum alveg að ná að flytja inn 30 maí ef ekkert klikkar.

Núna fara prófin að byrja hjá mér svo að það gæti komið fyrir að það verði eitthvað lengra á milli bloggfærslna en ég reyni að setja inn fréttir þegar ég hef smá tíma á lausu.

Síðustu daga er búið að vera þónokkuð um heimsóknir á síðuna en fólk er ekkert að kvitta fyrir sig hmmmm endilega kvitta því gaman er að sjá hverjir eru að fylgjast með okkur.

Kveðja Íris

Úttekt á miðvikudaginn ;)

Jæja á miðvikudaginn verður gerð úttekt á húsinu fyrir fokheldið. Það er allt tilbúið og ætti það því að öllum líkindum að ganga í gegn.

Það er langt komið með að múra íbúðina mína. Pabbi er byrjaður að flísaleggja bílskúrinn og búinn að skella upp hillum svo að þetta er að verða svaka flottur bílskúr. Það verður svo sennilega byrjað að múra veggina á efrihæðinni á morgun og svo í framhaldi af því steypt húsið að utan.

Það gengur áfram vel og vonum við að það muni ganga svoleiðis næstu 7 vikurnar því stefnan er tekin á að flytja 30. maí.

Ætla að skella mér upp í hús á eftir og taka fullt af myndum af því hvernig þetta lítur allt út núna og skelli þeim svo inn í kvöld

Kveðja Íris

Hellingur að gerast

Hæ hæ núna er slatti að gerast, það var í dag byrjað að múra íbúðina mína. Búið er að rappa sem er lag sem er sett fyrst og svo er múrinn settur yfir það. Búið er að fara eina umferð yfir bílskúrinn með fínpúsningu og er verið að fara seinni umferðina núna.

Á efrihæðinni er verið að gera hitt og þetta, einangra í kringum gluggana, rífa í burtu spíturnar sem eru utan á húsinu sem voru settar þegar verið var að steypa þakkantinn. Búið er að rífa mest alla dokana úr lotftinu á efrihæðinni og milliveggir komnir áleiðis upp á þremur stöðum.

Kveðja Íris

Nokkrar myndir

Var að skella inn nokkrum myndum ;) örugglega til fleiri myndir í tölvunni hans pabba skelli þeim inn seinna ;)

 

Dugleg um helgina

Jæja það gerðis nú eitthvað um helgina, allir gluggarnir voru settir í og byrjað að setja frauð til að loka þeim. Búið er að rífa mikið af dokunum niður úr loftinu. Arinbjörn og Friðný byrjuðu að skella upp milliveggjum á efrihæðinni.

Í dag verður svo haldið áfram að setja frauð í gluggana og taka niður úr loftinu og eitthvað fleira ;)

Kveðja Íris

Ýmislegt í gangi

Hæ hæ það er nú ýmislegt að gerast í húsinu, það er búið að fækka stoðum undir þakplötunni, rafvirkinn dundar inn í íbúðinni minni og svo á að fara setja hurðina í forstofuna hjá Arinbirni og Friðnýju svo að hægt sé að taka dótið úr bílskúrnum og setja það inn í forstofuna því að það á að fara fínpússa bílskúrinn.

Það vantar ekki mikið uppá að efrihæðin verði fokheld og gæti það gerst núna á næstu dögum og fljótlega í næstu viku ættum við að geta sótt um foheldisvottorð.

Jæja skrifa meira um helgina og skelli þá líka inn myndum.

Gleðilega páska

Hæ hæ allir

Gleðilega páska, það sem er að frétta af húsinu er að á meðan ég var í danmörku þá var skellt fullt af gluggum í efrihæðina og fækkað stoðum undir þakplötunni. Það á aðalega eftir að setja stóru gluggana í efrihæðina og þarf kranabíl í það því það eru svo stórir og þungir gluggar. Veit ekki hvenær það verður gert en öruggast er að gera það þegar búið er að slá undan plötunni svo að við missum ekki dokana í gluggana og brjótum þá. Það eru komnir 10 dagar síðan platan var steypt og þarf að býða í ca 5-10 daga í viðbót.

Rafvirkinn er búinn að vera að vinna eitthvað í rafmagninu í íbúðinni minni. Búið er að skella dósum á fullt af stöðum og fræsa fyrir svo að rörin komis inn í vegginn.

læt þetta duga Kveðja Íris

P.s. prinsinn á heimilinu hann Orri Páll er 8 ára í dag, til hamingju með daginn elsku karlinn minn ;)

MYNDIR

Jæja skellti inn nokkrum myndum. Albúmið heitir ýmislegt.

Kem heim á laugardaginn og blogga bara næst þá. Kveðja Íris

Búið að steypa allt ;)

Jæja þá er sko búið að steypa allt vííííííiiiiiii núna er bara að klára að loka húsinu svo að það verði fokhelt og er byrjað að undirbúa það að skella gluggunum í efrihæðina.

Jæja ég er að fara til danmerkur í fyrramálið svo að það verður ekki skrifað á meðan. Ef það eru einhverjar myndir þá reyni ég að skella þeim inn í kvöld

Kveðja Íris

eitthvað vesen með myndir

Ég setti inn myndir á föstudaginn og var að sjá núna áðan að þær bitrust ekki inn á heimasíðunni. Ég er að reyna að koma þeim inn aftur en gengur brösulega.

Í dag erum við búin að vera að taka saman rusl sem var í kringum húsið og fara með í sorpu. Pabbi tengdi klósett inn í íbúðinni minni. Alli er búinn að vera að gera tilbúið fyrir síðustu steypuna sem verður sennilega á þriðjudaginn.

Kveðja Íris

Þakplatan steypt

Góða kvöldið

Í morgun var þakplatan steypt og gekk bara vel. Núna er bara að bíða á meðan hún þornar og á morgun verður byrjað að setja upp þakkantinn, hann verður svo vonandi steyptur þriðjudaginn og þá er búið að steypa allt sem steypa þarf ;)

Það voru teknar einhverjar myndir, reyni að skella þeim inn á eftir eða morgun. Kveðja Íris

Steypa á fimmtudag

ÚFFFFFFF það eru greinilega allir á höfuðborgarsvæðinu sem eru að byggja að steypa í vikunni. Það var hringt í morgun til að panta steypu fyrir miðvikudaginn en nei það er sko ekkert hægt að fá steypu fyrr en á fimmtudaginn því það er svo margir búnir að panta steypu næstu daganna.

Skrifa næst á fimmtudaginn og verð þá vonandi með myndir til að skella inn í leiðinni. Kveðja Íris

Gengur vel

Góðan daginn

Það gengur bara vel með húsið áfram ;) núna er búið að setja upp alla veggina sem tilheyra íbúðinni minni. Þeir eru reyndar ekki komnir alveg upp í loft þar sem að rafvirkinn þar fyrst að taka niður lagnirnar úr loftinu svo að hægt sé að leggja þær svo í veggina. Rafvirkinn kom aðeins í gær og skellti nokkrum ljósum upp svo að það er komið ljós í íbúðina ;)

Járnabindingamennirnir eru búnir að járnabinda þakplötuna og smiðirnir mæta svo á morgun og þurfa að klára eitthvað smotterí áður en að hægt er að steypa. Stefnan er tekin á að steypa annað hvort á þriðjudag eða miðvikudag ef vel gengur og veður leifir. Þegar það er búið að steypa þakplötuna á bara eftir að gera þakkantinn og þá er húsið orðið fullreist, þá vantar bara að skella gluggunum í á efrihæðinni og þá er allt húsið orðið fokhelt.

Segi þetta gott núna. Kveðja Íris

Veggir að myndast

Hæ allir en og aftur hehe. Í dag var ég, pabbi og Alli að hlaða upp veggi í íbúðinni minni, erum langt komin með veggina sem skilja að svefnherbergið, vaskahúsið og baðherbergið. Semsagt kubbarnir komu í dag og vinnuskúrinn var tekinn ;)

Járnabindingamennirnir eru að vinna í þakplötunni. Það verður vonandi hægt að steypa hana eftir helgi en það verður víst að vera alveg þurt þegar hún er steypt eitthvað að gera með að platan verður ekki alveg bein 10% halli á henni svo að snjór og vatn renni betur af þakinu.

Skelli inn fleiri myndum í albúmið gluggar og fleira

Kveðja Íris ;)

Íbúðin mín fokheld ;)

Jæja í dag var íbúðinni minni lokað þannig að hún er orðin fokheld. Það var settur hitaplásari inn í íbúðina þannig að það er byrjað að hitna þar inni og snjórinn byrjaður að bráðna ;)

Pabbi skellti hita á gólfið í bílskúrnum í dag. Gólfplatan var svakalega köld svo að það kemur bara kalt vatn út í staðin fyrir það sjóðandi heita sem fer í gegnum rörin í gólfinu.

Vinnuskúrinn sem að við erum búin að vera nota var tæmdur í dag og vonandi losnum við, við hann á morgun. Um leið og vinnuskúrinn verður tekinn kemur kranabílinn með kubbana sem að við munum nota við að hlaða upp milliveggjunum inn í íbúðinni.

Hef ekki frá fleiru að segja í dag. Kveðja Íris sem er að reyna að vera duglegri bloggari (bara fyrir Inga Snorra hehe)

Allt á fullu

Góða kvöldið ;)

Núna gengur vel hjá okkur í þrymsölunum, íbúðin mín er að verða fokheld, verður klárað á morgun að setja gluggana í. Það er verið að múra bílskúrinn og er hann því orðinn nánast tilbúinn. Þakið er langt komið og verður sennilega byrjað að járnabinda það á morgun. Á morgun koma einnig menn sem ætla að slípa loftið og veggina í íbúðinni minni svo að vonandi verður byrjað að skella upp milliveggjunum eftir helgi.

Kveðja Íris

Loksins blog og myndir

Já ég veit að ég er nú ekki sú duglegasta að blogga. Núna er hellingur búinn að gerast síðan ég skrifaði síðast í lok janúar. Búið er að steypa bæði útveggi efri hæðarinnar og burðarveggi. Það er byrjað að slá upp þakplötunni og vonandi verður hægt að steypa hana fljótlega. Um helgina erum við búin að vera gera bílskúrinn kláran svo að hægt sé að múra hann að innan og einnig erum við búin að setja fimm glugga í á neðri hæðinni. Það er nú komin góð mynd á húsið og finnst okkur hlutirnir ganga betur núna en þeir gerðu í lok síðasta árs og byrjun þessa.

 Kveðja Íris leti bloggari

Steypa steypa ;)

Jæja í morgun var byrjað að steypa útveggina á efri hæðinni. Skilst að það hafi gegnið eitthvað smá brösulega með fyrstu steypuna, að hún hafi verið of þykk en vonandi gekk betur með þær sem á eftir komu.

Það er ekki verið að steypa alla leið upp, þetta er ca 2/3 og verður sennilega steypt allaleið upp svo á föstudaginn ef veður leyfir, má ekki vera of kallt og það á víst búið að spá svaka frosti framundan svo að það kemur í ljós.

Það eru örugglega komnar einhverjar myndir inn á myndavélina svo að ég skelli þeim inn í kvöld. Kveðja Íris

Búið að steypa

Það var steypt platan í morgun og er það voðalegur léttir ;) Ég var að skella inn nokkrum myndum sem teknar voru í morgun. Á miðvikudaginn verður svo byrjað að kubba aftur.

Læt þetta duga núna kveðja Íris