Blogg hvað er það hehe

Jæja hvað segir fólkið, núna er nú húsið að verða full klárað að innan. Það er verið að klára efri hæðina  og ætti hún að vera alveg búin eftir 2-3 vikur. Þá verður farið í það að klára hér niðri hjá mér. Ég er nú víst allarf að lofa að vera duglegri við það að blogga en næ engan vegin að standa við það :(

Ég ætla reyndar að setja myndir af öllu á næstunni, þannig að fólk sjái hvernig þetta lítur út nánast full klárað. 

Segi þetta gott núna Kveðja Íris 

Var að setja inn myndir

Setti inn nokkar myndir. Ég skildi ekkert í því afhverju myndirnar sem ég var að reyna að setja inn þarna fyrir löngu síðan komu aldrei, en þegar ég ætlaði svo að reyna aftur núna áðan þá tók ég eftir því að myndplássið var búið. Þannig að ég tók út nokkrar gamlar myndir og bætti inn nýrri, þær eru undir LOKSINS hehe.

Á mánudaginn verður steypt gólfið uppi á 2. hæð en ég get ekki sett myndir af því inn því við erum þá að fara út til tyrklands. Þegar við komum aftur heim ætla ég að taka eitthvað meira til í albúminu svo að ég geti svo sett þá fleiri nýjar myndir inn.

Ég veit að ég er ekki duglegasti bloggari í heimi en ég skal vera aðeins duglegri eftir að við komum heim 9 sept. því núna á næstunni er svoltið verið að vinna í 2. hæðinni svi að ég hef eitthvað að skrifa um og setja inn nýjar myndir.

Kveðja Íris letibloggari.

Myndir í kvöld

Jæja fengum netið síðasta laugardag. Í vikunni erum við búin að vera að rífa niður stillasann, lítið annað hefur verið að gerast. En ég ætla að skella inn nokkrum myndum í kvöld þegar ég er búin að vinna.

Fengum gardínur fyrir stofuna núna á miðvikudaginn, þannig að núna vantar aðalega parketið hjá mér þannig að þetta er allt að verða klárt.

Kveðja Íris

Vonandi net fljótlega

Jæja það er verið að vinna í því að tengja símana, mamma og pabbi eru búin að fá sinn síma tengdan og vonandi kemur minn í gagnið í dag eða morgun og þá skelli ég inn myndum um leið og allt er oðið tengt.

Núna er þriðja vikan að líða og líður okkur vel í kofanum. Hefur ekkert gerst þessa viku síðan ég skrifaði síðast en vonandi fer nú eitthvað að gerast á næstunni.

Erum að spá í að drífa í því að setja smá pall strax svo að við getum nú notað sumarið eitthvað úti í garði hjá okkur. Það verður sennilegast steypt plata og svo ætlum við að sjá til hvernig restin af pallinum verður þegar búið er að laga lóðina.

Kveðja Íris

Fljótt að líða

Góðan daginn

Núna erum við búin að vera í tvær vikur og líður tíminn fljótt. Við erum búin að selja straumsalina svo að núna getum við sett allt á fullt aftur í það að klára það sem eftir er. Við þurfum að losa það sem eftir er að dótinu okkar í straumsölum núna á næstu dögum og í byrjun júlí afhendum við svo nýju eigendunum íbúðina.

Múrararnir voru í gærkvöldi að klára að múra bakhliðina og núna er þá bara eftir hjá þeim að múra aðeins inní gluggana, reyndar búnir með slatta af þeim en einhverjir eftir. Það verður sennilegast klárað í næstu viku og þá er hægt að rífa niður stillasann sem er í kringum allt húsið. Þá verður þetta flott að geta séð allt húsið án þess að það skyggir eitthvað á.

Erum ekki ennþá komin með heimasíma eða nettengingu svo að myndirnar bíða ennþá.

Kveðja Íris

Vika

Þá erum við búin að vera viku í þrymsölum og er bara fínt að vera þar. Maður er reyndar vakin fyrir 8 á morgnana með gröfulátum þar sem verið er að grafa fyrir tveimur húsum í götunni og annað þeirra er við hliðiná okkkur.

Flísalagningamaðurinn er búinn að flísaleggja veggina á litlabaðinu sem er með forstofuherberginu og í dag fer hann í að flísaleggja gólfið þar og gólfið á forstofunni hjá mömmu og pabba.

Það er búið að setja upp örbylgjuloftnet svo að við erum komin með sjónvarp og eigum við von á manni frá símanum einhver tíman á næstu dögum svo að vonandi kemst heimasíminn og netið í gagnið í næstu viku. Þanngað til get ég ekki sett inn myndir.

Það mjakast allt bara hægt og rólega áfram með húsið þessa dagana svo að  ég hef nú ekki frá miklu að segja

 Kveðja Íris

Flutt

Jæja við fluttum 30. maí og sváfum þá fyrstu nóttina ;)

Allt er búið að ganga þokkalega og um helgina voru múrararnri á fullu að múra húsið ogeru þeir langt komnir. Við erum búin að ganga frá fullt af dóti en eitthvað samt eftir.

Ég get ekki sett inn myndir þar sem ég er í vinnunni og það er búið að aftengja netið í straumsölum og ekkert net í þrymsölum. Við erum heimasímalaus, netlaus og sjónavarpslaus í þrymsölum og verðum það í einhverja daga til viðbótar.

 Kveðja Íris

Myndir

Skellti inn nokkrum myndum í ýmislegt maí albúm. Í dag komu menn og byrjuðu á þakinu, það fer tjörupappi á þakið. Rafvirkinn er búinn að skella upp ljósum í stofunni og er flísarinn búinn með veggina á baðinu. Á morgun fer hann svo í það að flísaleggja gólfið á baðinu, þvottahúsinu og eldhúsinu.

Setti líka inn mynd af Gutta ;)

Kveðja Íris

myndir á morgun

Ég get ekki sett inn myndir í kvöld svo að ég skelli þeim inn á morgun

Styttist óðum

Jæja þá eru bara 4 dagar í flutning. Það er nú margt búið. Málarinn klárar sennilega í dag eða á morgun að mála allt, flísarinn er langt kominn með baðið mitt og múrarirnir eru búnir að setja fyrstu umferð af múr á húsið og á eina hlið eru þeir búnir að setja seinni umferðina á. Þær ætla svo að mæta í kvöld og halda áfram. Rafvirkinn er langt kominn með að setja tengla og svoleiðis.

Ég og mamma erum búnar að vera að týna dót upp í hús og aðeins byrjaðar að raða í skápa. Straumsalirnir eru að verða hálf tómir. Á morgun reiknum við með því að fara með rúmið hans Orra Páls og ætla ég að reyna að koma hans dóti fyrir svo að það verði búið.

Nýjasti meðlimur fjölskyldunar kom á laugardaginn og lýst honum bara vel á herlegheitin. Hann er búinn að skoða húsið vel ;) Hann heitir Gutti og er tæplega 3 mánaða Beagle hundur.

Er í vinnunni núna svo að ég skelli inn myndum í kvöld.

Kveðja Íris

Flísalögn, múrun, málun og innréttingar

Jæja múrararnir voru að byrja að múra húsið að utan. Flísarinn er búinn að flísaleggja þvottahúsið og á morgun byrjar hann á baðherberginu. Búið er að setja hurðar og festa alla skápa nema forstofuskápinn hjá mömmu og pabba. Málarinn er búinn að vera sparsla og pússa veggina, þannig að það er allt í gangi og styttist í að allt verði klárt fyrir flutning.

Við fáum svo hurðar í næstu viku og borðplötuna sennilega líka.

Kveðja Íris

10 dagar í flutning

Það eru ekki nema 10 dagar þar til að við flytjum og ætti það alveg að hafast. Það er búið að setja saman alla skápa og á reyndar eftir að festa skápinn í forstofu herberginu og forstofunni hjá mömmu og pabba. Eldhúsið er 90% tilbúið og er búið að mæla fyrir borðplötunni og kemur hún vonandi í næstu viku ;)

Pabbi setti hitann á gólfið í gær og ætti það að hjálpa til við að ná rakanum úr gólfinu sem fyrst svo að hægt verði að setja gólfefnin á. Í dag kemur maður sem ætlar að flísaleggja bað og þvottahús. Það er verið að gera allt klárt svo að hægt sé að múra húsið að utan.

Segi þetta gott í dag. Kveðja Íris

Innréttingar, Innréttingar og aftur innréttingar

Við erum búin að vera í gær og í dag að setja upp innréttingar og gengur bara vel. Það er byrjað að myndast eldhús, komnir fataskápar í forstofuna hjá mér, herbergið hans Orra Páls og svo erum við búin að setja saman skápana fyrir forstofuna hjá gamla settinu og fyrir svefnherbergið mitt en það á eftir að festa þá. Það er búið að setja hluta af vaskahús innréttingunni upp. Á morgun verður svo haldið áfram þannig að við ættum að fara langt með að klára á morgun

Skelli inn nokkrum myndum á eftir. Kveðja Íris

Allt á fullu

Þá er búið að steypa, gekk bara mjög vel og núna er bara að bíða þangað til á morgun en þá er hægt að stíga inn á gólfið. Fengum frábært veður í morgun og getum því haft alla glugga opna svo að þetta sé fljótara að þorna og þá myndast ekki eins mikill raki inn í íbúðinni.

Á morgun verður svo byrjað á því að ná í innréttingarnar og erum við komin með allavegana tvo smiði núna næstu daga til að hjálpa okkur með að skella þeim upp. Á mánudaginn kemur svo maður til að flísaleggja baðið og vaskahúsið.

Eftir um 2 vikur má svo skella gólfefni á gólfið svo að það ætti að sleppa áður en við flytjum inn ;)

Skelli inn nokkrum myndum í viðbót í gólf albúmið

Kveðja Íris

Steypa á morgun ;)

Jæja þá á að steypa gólfið á morgun ;) var að skella inn nokkrum myndum af því þegar lagt var á gólfið. Skelli svo inn fleiri myndum á morgun eftir að það er búið að steypa gólfið.

Kveðja Íris

Gólfhiti

Jæja pabbi er byrjaður að setja mottur á gólfin á neðri hæðinni. Ofan á þessar mottur fer síðan gólfhitinn og svo verður steypt yfir þetta á miðvikudaginn. Rafvirkinn er búinn að draga rafmagn í mest allt niðri.

Gólfið þarf svo að jafna sig í sólahring áður en að hægt verður að ganga inn á það, þannig að á fimmtudag - föstudag í næstu viku verður byrjað að setja upp innréttingarnar ;)

Núna er ekki nema 20 dagar þangað til að við ætlum að flytja, ef ekkert tefst þá ætti það að hafast

Kveðja Íris

Baðkar, sturtubotn og málun

Hæ hæ, núna er komið baðkar og sturtubotn inn í íbúðina mína. Hægt að fara í bað ;) Málarinn er búinn að mála tvær grunnumferðir yfir veggina niðri. Ekkert efni fyrir gólfhitan kom í síðustu viku en ætti að koma á þriðjudaginn, sama er með efnið sem á að múra með að utan það er ekki komið svo að það er ekki byrjað að múra húsið.

Kveðja Íris. Skelli inn nokkrum myndum

????

Það er nú nánast allt við það sama. Gert er ráð fyrir að byrja í vikunni að setja hitan í gólfið á neðrihæðinni. Það tekur nokkra daga svo að fljótlega eftir næstu helgi ætti að vera hægt að flotagólfið.

Ætla að reyna að setja alla vegana inn smá fréttir einu sinni í viku á meðan ég er í prófunum. Núna er líka ekkert þannig mikið að gerast svo að ég myndi bara vera að blaðra um það sama aftur og aftur ef ég skrifa eitthvað oftar. Ef það er eitthvað merkilegt að frétta þá auðvitað skelli ég því inn.

Kveðja Íris

Ekki mikið að segja

Hef nú ekki mikið að segja en ætla samt aðeins samt að láta heyra í mér. Það er allt á fullu á neðri hæðinni. Búið er að fara tvær umferðir yfir veggi og loft með fínpússningu og verður sennilega farið þriðju umferðina á morgun og þá ættu veggirnir að vera tilbúnir svo að hægt sé að mála. Þá er bara að þrífa íbúðina vel og hreinsa allt út svo að hægt sé að leggja hitan í gólfið.

Ætli þetta sé ekki allt sem ég get sagt í dag. Kveðja Íris

Múrun að utan

Jæja var að skella inn nokkrum myndum og svo í leiðinni bara að láta vita að það verður ekki byrjað að múra að utan fyrr en eftir viku. Efnið ekki til sem á að múra með þess vegna verður seinkun. Fengum í dag fokheldisvottorðið úr þinglýsingu og á morgun kemur svo fasteignamat á kofan

Kveðja Íris