10 dagar í flutning

Það eru ekki nema 10 dagar þar til að við flytjum og ætti það alveg að hafast. Það er búið að setja saman alla skápa og á reyndar eftir að festa skápinn í forstofu herberginu og forstofunni hjá mömmu og pabba. Eldhúsið er 90% tilbúið og er búið að mæla fyrir borðplötunni og kemur hún vonandi í næstu viku ;)

Pabbi setti hitann á gólfið í gær og ætti það að hjálpa til við að ná rakanum úr gólfinu sem fyrst svo að hægt verði að setja gólfefnin á. Í dag kemur maður sem ætlar að flísaleggja bað og þvottahús. Það er verið að gera allt klárt svo að hægt sé að múra húsið að utan.

Segi þetta gott í dag. Kveðja Íris